Plantun de Prouvènço

Pèr coumpara dos planto d'encò nostre

Juniperus thurifera & Neotinea maculata

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).

Port : Aubret
Taio : 1,5 à 10 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Juniperus
Famiho : Cupressaceae

Ordre : Pinales

Coulour de la flour : Jauno
Petalo : ges
Ø (o loungour) enflourejado : 5 à 10 mm
Flourido : Printems

Sòu : Ca
Autour basso e auto : 400 à 1700 m
Aparado : Noun
Mars à mai

Liò : Roucaio - Pendis roucaious - Baus
Estànci : Mountagnard
Couroulougi : Mediterrano-Mountagnouso
Ref. sc. : Juniperus thurifera L., 1753

Gau(-taca)

Neotinea maculata

Orchidaceae

Noms en français : Orchis maculé, Neotine.

Descripcioun :
Aquéu Gau-taca fai parti dóu "nouvèu" gènre Neotinea que caup li gau emé de flour e de fueio mai pichoto e que fan d'espigo de flour toujour proun sarrado. Aquéu se recounèis à si flour pichouneto roso o un pau verdo, que de cop que i'a se duerbon pas (cleistougamo) e emé uno pichoto labreto. A la baso i'a dos o tres fueio verdalo, bèn au sòu e souvènt tacado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Neotinea
Famiho : Orchidaceae

Ordre : Asparagales

Coulour de la flour : Roso
Petalo : irreguliero
Ø (o loungour) flour : 4 à 6 mm
Flourido : Printèms

Sòu : Si (Ca)
Autour basso e auto : 0 à 1400 m
Aparado : Noun

Liò : Pelouso umido
Estànci : Termoumediterran à Coulinen
Couroulougi : Mediterrano-atlantico
Ref. sc. : Neotinea maculata (Desf.) Stearn, 1974

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Juniperus thurifera & Neotinea maculata

ges

Coumpara Chai emé uno autro planto

Coumpara Gau(-taca) emé uno autro planto